Maori
Kua haere te tono a te Kaunihera Aringa o te Kuini Erihapetill o Aotearoa kite kawanatanga, kia whakaputaina he moni hei whakatu he Kaunihera whai nga mahi aringa tuturu a te Maori me nga iwi o te Moana Nui a Kiwa.
Kua awhinatia te Kaunihera Aringa enei mahi i nga tau e rima kua taha, ara i nga mahi whakapaipai marae, kite Akiwa pupuri i nga waiata a enei iwi, ara kei te whare Wananga o Tamaki, nga hui whakanui o enei mahi, nga mahi whakairo, me nga mahi mo te Wiki Nui o te Reo Maori. Ahakoa kei te awhina te Kaunihera Aringa i nga tohunga aringa, e whakaae ana ratou kia timatatia tenei mahi, hei whakapumai nga mahi aringa tuturu. E ki ana a Hamish Keith, ara te tiamana o te Kaunihera Aringa, “Me whakatuturu
tenei mahi kia tipu ai nga mahi a te iwi nui. Me tautoko a Aotearoa ki nga mahi aringa a te Maori me- nga iwi o te Moana Nui a Kiwa, mehemea kei te mahara ratou ki enei iwi.” Ko te whakaro kia haere tenei moni kite awhina te whakatohu te ritenga o enei mahi, i mahia ai i nga ra o mua, i runga i te marae, i te kainga ranei. E ki ana a Witi Ihimaera, ara he mema no te Kaunihera, “Me whakamihi te Kaunihera mo a ratou moni awhina mo nga mahi aringa a nga Maori, engari me whakatoro nga
porihi i tenei takiwa, i Aotearoa. “Me whakarato te Kaunihera i nga tikanga o nga iwi katoa, kia kaua e kitea ko te Pakehatanga anake. He mea whakahirahira kia whakamohiotia nga tumomo , awhina, mete matau, kia whai
ai nga Maori me nga iwi o te Moana Nui a Kiwa enei painga. E tika ana kia noho tenei Kaunihera hei ropu whakatara i te kawanatanga.” Kua kiia e te Minita mo nga take o Aotearoa, Mr Alan Highet, $50,000 e whakaputaina e te kawanatanga mo te Kaunihera hou.
Permanent link to this item
https://paperspast.natlib.govt.nz/newspapers/MANAK19770616.2.3
Bibliographic details
Mana (Auckland), 16 June 1977, Page 1
Word Count
329Maori Mana (Auckland), 16 June 1977, Page 1
Using This Item
The National Library of New Zealand Te Puna Mātauranga o Aotearoa was granted permission to digitise Mana and make it available online by the convenor of the Mana Interim Committee under a Creative Commons Attribution-NonCommercial-ShareAlike 4.0 International licence (CC BY-NC-SA 4.0). This newspaper is not available for commercial use without the consent of the copyright holder.
If you are a rights holder and are concerned that you have found in-copyright material on our website, for which you have not given permission, or is not covered by a limitation or exception in New Zealand law, please contact us at paperspast@natlib.govt.nz
Log in