He Kupu Tuku Mai.

Korimako, Issue 41, 15 June 1885, Page 3

He Kupu Tuku Mai.

Ki nga Tautoko o Te Korimako. E hoa ma, —Tena koutou! He kupu tenei na ta koutou manu meroiti ki nga tautoko i kaha ake ai ahau te koroki i nga rongo korero o ia wahi o ia wahi o te ao, tenei ahau te noho i runga i te huarahi tumanako tera pea koutou nga tautoko kei te whakaaro me pehea ra e mama ai nga taumaha o taku pikaunga me pehea e nui ake ai nga korero e hiahiatia nei, e nga mano tangata o Aotearoa, ma tenei huarahi pea e kitea etahi karamu mo taku korokoro kia kaha ake ai ahau te pere. Koia tenei ma ia tautoko ma ia tautoko e rapu e kukume mai etahi atu hoa mona hei tautoko ano hold, penei ka pu rua nga tautoko; a, mehemea ka mahi penei o ia o nga tautoko, tena ka ea nga nama mo nga koroi kua pau i au, me whakaaro

rapea koutou ko nga tangata o nga motu o Aotearoa i tae kite wha tekau mano (40,000). Otira kihai nga tautoko i tae kite kotahi mano (1,000) e awkina i au i runga i nga hialiia i wliakaaro ai ahau kia tukua ma koutou, i mea ano au ki taku ngakau kia whakaputaia nga mohiotanga nga matauranga me nga Wkaikorero o te Pakeha liei Whiriwhiringa ma koutou me o koutou ruanuku, penei ka tiaho nga hihi o te maramatanga ki nga matapihi o o koutou ngakau kia hemo ake ai nga unalii e piri ana ki aua matapihi, na ena unahi te marama ai te whare o nga tini ngakau e mumura ana mo nga rongo o tenei ao me tera atu. Heoi na to koutou hoa aroha. Na Te Korimako.

Ki a Te Korimako. E hoa, —Tukua atu e koe nga toru kupu ka tuhia iho ki raro nei. "Whakarongo e nga motu, kia whai taringa mai e Aotearoa. E nga iwi, e nga hapuu, e nga rangatiratanga, tena koutou katoa, ma te atawhai o te Atua tatou katoa e tiaki. Tenei te kupu :—Kua roa te wa kua pakure ki muri i kite ai tatou i nga mahi he, me nga mate katoa e whakaeke ana ki a tatou i tenei ra, i tenei ra. Ko te whenua te putake o nga mate katoa. Kua tukitukia te whenua mete wai e rere ana, e akina ana e nga ture o te motu nei. Kua tautokona e tatou nga mema i te Wkare Paremete i a ratou e wkakahe atu ra i aua ture kino, a kia whaaia e ratou nga tikanga e mutu ai aua mate, otira kihai i taea, rite tonu ki nga waipuke e kore nei e taea te arai atu. Te liaerenga mai o aua mate i tenei tau, i tenei tau, a kahore he mutunga. Ko tenei ia te mea nui ma tatou inaianei. " Whakahonoretia tou papa me tou whaea kia roa ai ou ra kite whenua i homai nei e Ihowa e tou Atua kia koe. Kia matau tatou kia mahara kei

te rangi te Atua Tapu kei te waahi ngaro ia e noho ana, e manako mai ana ia kite hunga e tukinotia ana e whakatoia ana. E kore ia e manako mai kite hunga e arahi he ana i nga matapo e whakakotiti ana i a ratou kia taka." Kia u kite whakapono. Heoi ano.—Na to koutou hoa, Na. Pene Taui. Ohaeawai, Mei 26, 1885.

Ki a Te Korimako. Eho a, Mail e tuku atu aku korero e panui ki nga takiwa o Nepia, o te Wairoa, kia mohio ai nga tangata katoa rangatira hipi, kite mea ka haere atu etahi tangata kite nama hipi ma ratou mo runga i tenei whenua i Nuhaka Nama 2, kauaka e tukua mai ka ruihi koe, kaore e rite o hipi, ka matemate noaiho i runga i te kore kai, notemea he hipi ano kei runga i taua whenua. Mehemea kite tukua e te tangata ana hipi ka kapi tonu taua whenua kahore he kai a ka mate ona hipi me aku hoki, otira e mate pai ana aku, notemea kaore he nama kite tangata i runga i aku hipi. Heoi kia mohio koutou ahakoa Maori, Pakeha ranei. Heoi. Na Ihaka Whang a. Nuhaka, Te Wairoa, Aperira 8, 1885.

Ki a Te Korimako. E manu, —Tena koe ! Mauria atu tenei kupu mihi me tenei patai ki nga marae o Aotearoa e haeretia ana e koe. He mihi ake no matou ki to Whakaaturanga mai i te haupu moni mo nga Pihopa e rua. I to whakaaturanga mai hoki i te haerenga o Tianara Korano kite para huarahi mo te rongo pai o Ihu Karaiti. Ka pai koe e manu kite whakaatu mai i enei mea ngaro. Kei wliea o te Rongo Pai o Ihu Karaiti i tuhia nei e Matiu ma e takoto ana ta te Karaiti kupu ma te ringa kaha,

ma, te toto, e para lie huarahi mo tana rongo pai. Kaore i kitea e matou. "Whakaaturia mai. Kei whea hoki ta te Karaiti kupu me urunga moni he urunga mo nga matenga o ana pononga; a, me whakaatu ki nga iwi katoa i raro o te rangi, te nuinga o aua moni. E mann, ka rereke tenei i ta te Karaiti i kii ai (tirokia Matiu vi. 1-4, 19-23). He maha nga kupu a te Karaiti e whakahe ana mo te mate nui o te tangata ki nga mea o tenei ao. Heoi whakaaturia mai enei kupu kia mohio ai matou kite wahi i takoto ai.—Na to hoa. Na H. Potae. Marahea, Mei 16, 1885. [E whakamoemiti ana to manu mo nga karamuramu kua tukua mai nei e koe. Otira tera ano te taha o Tianara Korano, e ngaro atu ana i a koe, me pehea e motu ai nga mekameka o nga Mangumangu me pehea e mutu ai te kohuru i ena kaainga e takatakahia nei e nga Arapi haere koraha, hore rawa o ratou atawhai; ka ahua kararehe kino nga tangata, me waiho koia kia kai tonu i nga tangata no ratou te whenua ? I whakahengia koia a Koroniria notemea he hoia ia % Tera ano nga kino e tika ano kia para, ahakoa ka hou rawa te mamae kite hohonu ote ngakau. Kia rarata te kuri katahi ka ata whakarongo. Heoi ata whiriwhiria enei whakaaro kia tau pono ai te rere o to manu.—Te Etita.]