Hui ki here Piiti.
No te 16 o nga ra o Aperira ka hui nga tangata Maori o Kaipara ki Here Piiti, hui mai nga iwi o ia whenua o ia whenua. I reira a Arama Karaka Haututu, a Te Hemara Tauhia me Te Puhihi, me etahi atu o nga rangatira o Ngatiwhatua. Tokorua nga Pakelia i tae ko Te Tere raua ko Te Pana. No te ata tu o te 16 o nga ra ka patai a Arama Karaka ki tona hoa Pakeha kia Te Tere kia rapurapua mai e ia etahi korero hei whakapainga mo te " huvcinga o te Kuini Ka oti tena ka tangi te pere kai, ka matika nga tangata katoa ka haere kite whare kai, ko te whare he teneti e 40 putu te roa, 18 putu te whanui, katahi a Te Tatana "Waitaheke ka kii mai kia whakawhetaitia nga kai, ka mutu te whakapai ka noho nga tangata haere ake 150, ko nga kai nui atu te papai, he riwai, he poaka, he piiwhi, he kekeparaoa, he pata, he ti, me etahi atu o nga tini kai. Ka mutu te kai, ka taki putaputa nga tangata ki waho, ka mutu ka hui ano ki te whakapai kite "Kuini" ka hui nga kai-waiata he Maori ano, ko nga ingoa ko Mihaka Kena, ke Tahana Karena, ko Perana Moetaarau, ko Reihana Kena, nga wahine ko Ngawini Kena, ko Iritana Paikea, ko Ngahuia Karaka, me Mereana Hira, katahi a Heta Paikea raua ko Pita Kena ka puta mai i te whare o Arama Karaka me nga kara e rua ki nga ringaringa pupuri ai, ko te kara o Ingarangi ia Heta Paikea, ko te mea ia Pita Kena ko te kara i liomai e Kawana Paraone ki tona hoa arolia kia Parore Te Awlia. Ka tangi te pere katahi ka haere nga kaiwaiata me nga mau-kara mete waiata haere ka ahu te haere ki te tuunga o te kohatu a te Kuini, ko -te waiata he waiata Pakeha na te Puru Ripine ko te ingoa "Grlory to the Bleeding Lamb." Ka tae nga kai-waiata me nga kai-mau-kara kite tuunga o "te kohatu, katahi ka hutia ngaikara.
ki runga, ka pupuhi i konei nga kai man pu e 20 pu i tangi hei whakahonoretanga kite Kuini, ka waiata ano nga kai-waiata, i tenei waiata na "We Sing of the Realms of the Blest," ka mntu te waiata, ka tn ake a Arama Karaka ka korero kite whakaminenga, ka mea, kia waiho nga mahi o tena ra liei whakaaronga ma ratou i nga ra e takoto ake nei, kia kaha ano ratou kite karakia kite Atua ote rangi i nga ra maha e takoto mai i mua ia tatou, ka mutu a Arama ka tu ake a Henare Rawhiti ka ki. atu ki tona matua kia Arama. Korero mai e pa! Korero mai I Korero mai! Kahore he kaiwhakahoki i o korero, akona mai matou tohutohungia mai matou e koe, e tika ana to kupu e mea mai na kia kaha matou kite inoi atu ki to tatou Matua i te rangi i nga ra e takoto ake nei i mua ia matou. He tangata he rawa ahau i nga ra kua pahure ake nei tae noa mai ki tenei ra, i whakarerea e au te huarahi tika haere ana ahau i te huarahi he, heoi i naianei kua marama aku kanohi kua hold mai ano ahau kite huarahi tika kua tahuri ahau i naianei kua inoi kite Atua, heoi mana tatou katoa e tiaki i nga ra maha e takoto ake nei i mua ia tatou, ka mutu nga korero, ka tu ake ano nga kaiwaiata i te waiata whakapai i te Kuini, te waiata " God Save the Queen !" Ka mutu ka tu ake ano a Te Tatana ka mea kia inoi ratou kite Atua, ka koropiko nga tangata katoa, ka mutu ka tu nga tangata ki runga ka mea a Te Tere kia powliiritia a te Kuini me nga kai-waiata mete iwi katoa, powliiritia ana, ka mutu ka hoki nga tangata ki tona whare, ki tona whare. Heoi kia penei te ahua hui a nga tangata Maori kahore he mamaetanga ko te tukunga iho he aroha tetahi ki tetahi.-—Na tetahi o nga kai-titiro i tuku mai..
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/KORIM18850515.2.15
Bibliographic details
Ngā taipitopito pukapuka
Korimako, Issue 40, 15 May 1885, Page 7
Word count
Tapeke kupu
709Hui ki here Piiti. Korimako, Issue 40, 15 May 1885, Page 7
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in