Ko nga Maunga Whakahirahira o te Ao.
Kei tenei, kei tenei whenua o te ao e nohoia nei e taua, ko nga maunga nga mea e whakanuia ana e te tangata. E hau ana te rongo o ia maunga, o ia maunga ; a, he mea ano ka pupuria te tangata raua ko te maunga, ta te mea, e moiri-tahi ana te maunga, mete tangata ; e puta ana ki tawhiti, a, waihotia iho hei whakatauaki, inahoki, "Ko Taraia Ngakuti te tangata, ko te Aroha te maunga." " E piki ana i te pikitanga, ka whano ka tautuku aku turi; ki kona hoki koe, e te tau; ki konei a au whakamau ai, i te auahi i na ra runga, i te puke-maua ki Te Aroha. Na ko "Tongariro te maunga; ko Te Heuheu te tangata." Ko tenei kupu, na Te Heuheu Iwikau:—"Tera Taranaki te tu mai ra i te tai uru, no Tongariro te huka te panga mai kei taku kiri." Na he kupu whakaatu tenei mo nga maunga whakahirahira, e
rima, ite ao nei. Ite takiwa ki Hipiti (Thibet), kei Ahia, ki waengarahi tera takiwa (Central Asia). Ko te maunga, ko Himaraia (Himalayas). Te tiketike o Himaraia, 28,178 putu. Ko Poriwia te takiwa (Bolivia), kei Amerika -kite - Tonga (South America). , Ko te ingoa o te maunga, ko Horata (Sorata). Te tiketike o Horata, i te takiwa o Poriwia, 25,000 putu. Ko Irimani (Illmani), he maunga kei taua takiwa ano, 21,780 putu. Ko Hamorario (Chimborazo) te maunga, kei te takiwa o Ekuta (Ecuador), ko te rohe ki te marangai-ma-Raki mete Tonga kei Korumia, (Columbia) kei Parahiri (Brazil), kei Peru. Ko te Moana Marie, kei te tai liauauru. Ko te ikeike o tenei maunga o Himorano, 2 J ,444 putu. Ko Hineru-Kuha (Hindu Kush), ko te takiwa kei Ahia-ki-Waenga (Central Asia), kei te taha Hauauru o Himaraia (Himalayas). Ko te tiketike o Hineru Kuha, 20,600 putu. Ma koutou ma nga mohio kite whika e mahi nga maero i roto i enei putu, inahoki no nga maunga o Himaraia, e 5 maero mete awhe; no Hemarano, e 4 maero mete tuawaru o te maero.
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/KORIM18840315.2.34
Bibliographic details
Ngā taipitopito pukapuka
Korimako, Issue 25, 15 March 1884, Page 6
Word count
Tapeke kupu
350Ko nga Maunga Whakahirahira o te Ao. Korimako, Issue 25, 15 March 1884, Page 6
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in