Aotearoa.
Kua putaputa nga ki a nga rangatira o Aotearoa, i naianei; a, ko te mea nui, i kitea e ratou, e ai te korero, "Ko te Kuini o Ingarangi te tangata; ko te Tiriti o Waitangi te Waka; ko Aotearoa te whenua." Na ! i runga i enei whakaaro, kua karangatia he haere ki Ranana, he kawe atu i te puna-roimata, i nga pukoro-mamae, i nga puteawhakapouri, i nga whakaheke-nga-mana o te taha Maori, me era atu mea, kowai ka kite. Te upoko o tenei haere, ko Tawhiao Te Wherowhero. Nga hoa e korerotia ana, ko Taiaroa, M.H.R (mema o te Paramete); ko Topia Turoa, ko Henare Koura, ko Henare Tomoana, M.H.R. (mema o te Paramete); ko Paora Tu-
haere, ko Maihi Paraone Kawiti, ko Te Wheoro Maipapa, M.H.R. (mema o te Paramete); ko Hapakuku Moetara, ko Hone Mohi Tawhai, M.H.R (mema o te Paramete) ; ko Ihaka Te Tai, ko Rev. Wiremu Pomare, minita karakia no te Hahi o Ingarangi; ko nga mea enei kua rangona. Ko nga moni hei kawe atu i nga rangatira nei ki Ingarangi, mete oranga ma ratou ki Ranana, na ratou ano. Katahi ano ka kiia ka haere he teretere-whakatuatea o nga motu nei ki Ingarangi. I era haere a te tangata wkakawhirinaki noa iho ki te taha Pakeha, koia pea i puta ai te pepeha, "He nui to ngaromanga, he iti to putanga." He haere rangatira tenei; he haere i te moana me ta ratou o; he nohoanga ki uta, me ta ratou o; he hokinga mai kite kainga me ta ratou o. Haunga hoki te whakamanuwhiritanga ina tae atu ki Ranana (London) ki te kainga e whakamoiritia nei e te ao katoa, a e hau nei te rongo ki Aotearoa paku atu, paku atu, Ki te mea ka haere tenei teretere i runga i te Ture o te Puru-Ripene, tera e hinga mai a Nunui ma, a Roroa ma, a Pu-Tohunga ma, a Tauanui ma, a Ruanuku ma, a PuWhakaaro ma, a Roori ma, a Reeri ma, me te tini atu e aroha mai nei kite iwi Maori. Me he mea, ka haere i runga i te kuwaretanga, i te waina, i te pia, i te parani, me era atu kai whakatautauhea i te tangata, tera e kite i ta ratou mareherehe, i nga maniania, i nga whakatenetene; a, ka whakatiorotia nga taringa ki nga karanga whakakaitoa, o te tini, o te mano. Tena ka warahoe katoa tenei tira-ranga-tira, ka tokona katoatia nga honu - whakarorirori kia pamamao atu i a ratou, ahaha! ka haere-rangatira, ka noho-ranga-tira, ka hoki-rangatira mai ki te kainga.
Permanent link to this item
Hononga pūmau ki tēnei tūemi
https://paperspast.natlib.govt.nz/newspapers/KORIM18840315.2.27
Bibliographic details
Ngā taipitopito pukapuka
Korimako, Issue 25, 15 March 1884, Page 4
Word count
Tapeke kupu
429Aotearoa. Korimako, Issue 25, 15 March 1884, Page 4
Using this item
Te whakamahi i tēnei tūemi
Tūnga manatārua: Kua pau te manatārua (i Aotearoa). Ka pā ko ētahi atu tikanga.
Te whakamahi anō: E whakaae ana Te Puna Mātauranga o Aotearoa The National Library of New Zealand he mauri tō ēnei momo taonga, he wairua ora tōna e honoa ai te taonga kikokiko ki te iwi nāna taua taonga i tārei i te tuatahi. He kaipupuri noa mātou i ēnei taonga, ā, ko te inoia kia tika tō pupuri me tō kawe i te taonga nei, kia hāngai katoa hoki tō whakamahinga anō i ngā matū o roto ki ngā mātāpono e kīa nei Principles for the Care and Preservation of Māori Materials – Te Mauri o te Mātauranga : Purihia, Tiakina! (i whakahoutia i te tau 2018) – e wātea mai ana i te pae tukutuku o Te Puna Mātauranga o Aotearoa National Library of New Zealand.
Out of copyright (New Zealand). Other considerations apply.
The National Library of New Zealand Te Puna Mātauranga o Aotearoa acknowledges that taonga (treasures) such as this have mauri, a living spirit, that connects a physical object to the kinship group involved in its creation. As kaipupuri (holders) of this taonga, we ask that you treat it with respect and ensure that any reuse of the material is in line with the Library’s Principles for the Care and Preservation of Māori Materials – Te Mauri o te Mātauranga: Purihia, Tiakina! (revised 2018) – available on the National Library of New Zealand’s website.
Log in