Te Hokinga Mai.

Korimako, Issue 23, 15 January 1884, Page 6

Te Hokinga Mai.

Ko reira ano hoki puta mai ai te tohu o te Tama a te tangata, i te rangi; a, ko reira nga iwi katoa o te whenua tangi ai: a, ka kite ratou i te Tama a te tangata e haere mai ana i runga i nga kapua o te rangi, mete kaha, mete koroiia nui.—Matit: xxiv. 30. He aroha whakaHara tenei na te K&raiti ki a tatou, i puta ai Tana kupu mo tona hokinga mai ki tenei ao, hei whakaoti i te he, hei whakatupu i te tika. E ki ana nga kaumatua o nga Hahi —te Hahi o Ingarangi, te Hahi 0 te Inipenara, te Hahi o te Papita, mete tini atu o nga Hahi o te ao nei, e whatata ana te Ra e hoki mai ai a Ihu kite whakatu i Tana Kingitanga tapu ki Maunga Hiona, i Hiruharama. 1 enei nga ra, kua tae mai te kupu i Ingarangi, i Amerika, i Inia, i hea whenua, i hea whenua, kia tu katoa nga tamariki o te Whakapono, kite inoi, kia whakahohorotia ta te Karaiti i a la ano, kia rite ai Tana kupu i te 6 o Matiu, i te 10 o nga rarangi e mea nei:—"Kia tae mai tou rangatiratanga. Kia meatia Tau e pai ai ki runga kite whenua, kia rite ano ki to te rangi." Na te Karaiti ano tenei ara mo te inoi i whakatakoto, i a la, e noho ana i te ao, koia i whakaaro ai te ngakau, ka nui te tika, ka nui te pai o tenei karanga nui o nga Hahi kia huri katoa nga tamariki o te Pono kite inoi - whakahohoro - mai i a te Karaiti, te tino Pou-tokomanawa o nga tikanga tuturu o te ao, — te matapuna o nga pai katou i te rangi, i te whenua. Tirohia iana te 7 o nga upoko o te Poropiti Raniera, e whaki ana i te nui o te kino o te ao, mete kaha-haere o te kino, penei me te takiwa e nohoia nei e taua, a, kei te rarangi e 22 ka whakina e Raniera te hokinga mai o te Ariki. Nei te kupu:—"Taea noatia te taenga mai o te Tuaiho Onamata te homaitanga ano hoki, o te whakarite whakawa kite hunga tapu o te Runga-rawa; kia puta mai ano te wa e riro ai te Kingitanga i te hunga tapu." He.hira nga tikanga o te Atua ki tenei hanga, kite tangata, i

te orbkohanganga ai, moroki noa nei. No te haranga. o Arama raua ko Iwi, ka tu kite mara i Erene nga tohu e wha, kia haere atu ai te tangata kite karakia i runga 1 ta te Atua tikanga i whakaatu mai ai i nga ra o Arama raua ko Iwi i to raua pananga ki waho i te mara. Ko aua tohu e wha i whakaturia e te Atua kite paenga o te mara o Erene, he tangata tetahi, he okiha tetahi, he raiona tetahi, he manu (eagle) tetahi. Ko te mura ahi kotuitui tonu i roto i enei mea ora e wha, he tohu murunga hara, he tohu mo te aroha o te Atua kite tangata. Tena te putake o enei tohu a te Atua kei i a Kenehi te 3 o nga upoko te 24 o nga rarangi e mea nei:—" A, whakanohoia ana ki te taha, kite rawhiti, o te mara 0 Erene etahi kerupima [nga mea ora e wha], me tetahi hoari mura [te mura kotuitui me he ahi] he mea piupiu tonu ki tetahi taha, ki tetahi taha, hei tiaki i te huarahi [hei whakatuturu i te aroha, mete murungahara, hei tirohanga nui tonu mo nga tangata katoa] kite rakau o te ora." Kaore i whakaarohia aua tohu, nga mea e wha, mete mura piupiu ki tetahi, ki tetahi taha; engari i whakahawea tonu; a, piki haere ana te kino, tona mutunga, ko te whakaparemotanga o te ao, ko te whakaoranga a Noa, ratou ko te whanau. Muri iho nei, ka ara ano he tikanga nui i te ao, ko te karangatanga o Aperahama, ko te whakamotuhaketanga o Iharaira, hei iwi tapu, hei hapai i nga aroha o te Atua mete murunga hara. Otiia, ka ngakau-rua-haere, a te otinga, ko te whakamararatanga ki nga topito o te ao. Na ! ka ara an/} he Tohu nui kite ao, ko te whakatangatatanga o te Atua 1 a la ano, i te whanautanga i Peterehema, tona mutunga ko te ripekatanga o te Atua Karaiti, me tona hokinga kite rangi. Na i tenei ra i te tau J 884 e mataotao-haere ana te whakapono, e kaha-haere ana te he, te inu waipiro, te kai-tupeka, te

aroha kite moni, te ngakau kohiwhenua, te whakahori i te Karaipiture, te whakahawea kite murungahara, haunga .hoki te tinitini noa atu o te kino e kitea nuitia ana. Kua poropititia enei hanga e te Karaiti, ie ki ana la i te 24 o Matiu, i te 12 o nga rarangi : "I te kino ka hua, ka matokehaere te aroha o te tokomaha." No runga i enei whakahaerenga a te Atua, kua mohiotia, ka whano ka hoki mai a te Karaiti hei tinei i te kino, hei here i a Hatana, hei whiu i te hunga kino, hei whakahaere i runga i Tana tika nga ture i tenei ao, hei whakanui i tana hunga tapu ki tenei ao, mo nga tau kotahi mano. Ko te ngakau kei te hari nui, no te mea, kua whatata te ra haere mai o te Kingi-Atua o tenei ao. Ano te koa ki tana kupu i te 1 o nga upoko o te Whakakitenga, i te 7 o nga rarangi e mea nei:—"Tenei ia, te haere mai nei me nga kapua; a, e kite i a ia nga kanohi katou, mete hunga hoki i wero i a ia: ka aue ano hoki nga hapu katoa o te whenua."