Ki a Te Korimako.

Korimako, Issue 20, 15 October 1883, Page 1 (Supplement)

Ki a Te Korimako.

He panui tenei kia mohiotia ai te ra i marenatia ai aku tamariki a Timirana Whiri, raua ko Riperata Maaka, e te pirihi Katorika ki Turanganui, i 21 o Hurae, XBB3. He tokomaha nga Maori me etahi Pakeha i roto i te whare karakia ko nga matua atua, ko Biperata Topia raua ko ISTgarati Topia ka honoa raua ka whakaturia hoki kia raua nga ture o te Hahi a te Karaiti, te tama a te Atua, te Kingi nui o te Ao, i te mutunga o te marena ka puta ki waho o te whare karakia i te 10 o nga haora ka whakaritea e nga rangatira o nga hapu o aua tamariki, he hakari mo te marenatanga ki roto kite whare o tetahi Pakeha rangatira, ko Aranaki te ingoa i te rua o nga haora awatea ka tomokia te whare o te Hakari, e rua nga tepu nunui o roto o taua whare ka nui te kai mete papai ano hoki o nga kai katoa a te Pakeha i te mea e kai ana te iwi i taua Hakari. Ka tu a Te Hapinea na Tunu Paura ka whai korero ki nga iwi me nga rangatira katoa e nohoana i roto i te whare. Ka mea e whakapai atu ana ahau ki nga iwi me nga rangatira katoa i hui mai nei kite marenatanga o a tatou tamariki he mea pai hoki tenei whakamahara tanga kia tatou mo a tatou tamariki he whakanui toku ki a tatou tamariki ki a tatou hoki ki nga kaumatua me mahara ano ki a Ihowa, ki a Ihu Karaiti, hoki ki tana tamaiti kotahi te kaiwhakaora o te Ao katoa e ki ana te Karaipiture, i te 2 o nga upoko o Hoani Rongopai. Na ite toru 0 nga ra he marenatanga kei kana o Kariria i reira ano te whaea o Ihu a i karangatia ano & Ihu ratou ko ana akonga kite marenatanga a te potonga o te waina ka mea te whaea o Ihu kia ia kahore a ratou waina ka a Ihu kia ia hei aha ma taua e tai kahore ano ki a taea noatia taku haora ka mea tona ki nga kai mahi ko tana e niea ai ki a koutou meatia koia taku whakapai atu ki nga iwi

me nga rangatira katoa i haere mai nei. Kite marenatanga o a tatou tamariki. Heoi ano ma te Atua tatou ka toa e tiaki. Ko nga moni i utua ai taua. Tina ,£lO. Ko nga hapu i uru ki taua Hakari:—Ngatiporou, te Whanau arua te&itanga a hauiti JSTgatikonohi, te Whanau a iwi te iaitanga a mahaki, te wlianau a kai Ngaitekete, Ngaitawhiri, Ngatimaru, Ngaiteaweawe, Ngatikaipoho, Ngaitahupo, Ngaitahukurapakiaka, Ngatiapatu, Ngatimihi, Ngatimatewai, Ngatitamainarangi, Ngatiruapani, Ngatipoa, Ngatihinehika, me etahi Pakeha. Oketopa, 1883. E-AKIROA.

Ki a Te Korimako. Tena koe, —Tuku a atu ta maua mihi me ta maua Poroporoaki, mo ta maua Tupuna, mo Mete Kingi Paetahi. Koia ra tenei ka mihia iho nei. Haere ra, e koro. Haere atu ite ringaringa a aitua. Haere atu whakamutua atu nga korero o mua i te oranga o hoa o Nepia Taratoa, o Hori Te Waharoa, e ai te One ko Paramahoe e huihuia ana a koutou korero hui mai ko Rangitikei, ko Manawatu ara nga korero o te pai i Whakatakotoria e koutou ko hoa i ngara kua pahemo ake nei. Waiho iho nei hei pai mo matou mo nga uri i muri i a ratou ko tenei e koro ka riro nei koe ka raruraru pea o uri i muri ia koe heaha koa ra me titiro iho kite Whakatauki nei e mate ana he tetekura e ora ana he tetekura. Kia mahara ra e nga uri. E hoa, e Hoani Mete, e Takarangi Mete, kia mau ki nga kupu a to korua matua ihoa aroha ai te tikanga. Koia tenei te mihi nei. Haere ra, e koro. Kaore ra kua tangihia. Koe e Tawhiao i ngara ka parea ake nei. Heoi ano he waiata tangi. Titoko noa ana i tou po ko koe ana ke teau ko te moe e to kona ake ana ki runga ra ma te mamae raka huri ronaki koei ika pawhara na kahukura ki runga te tiepa whatia maira titapu maroro ka tokia ete hau kopata. Ka ia

nei he wehenga tau koe te wehe ite matua. Nowhea e hoki mai kia au te matua i te whare me rauhi mai e te ringa te matua i te Avaka me whaka tangi kite wai hoe me uta kite patu, me uta kite tao nga mahi ra e i whakararawetia karewa keirunga i te apaapa tu kei o tuakana i te waka e tau ana, i te nui ati tu i rahi ati mani mana e hoa atu kite matau raura maku e whakamau ngatau toru atea o te wai e pama tirohia mai ko au ake tenei kariro te mumu, kariro te awha taku kaka haetara kite iwi raia takoto ana mai te marama i te pae kia koe kaeke i ohe katau ki raro e rai. Heoi ano. Na Ngatiwhakatere, i Whatiwhatihoe, nei Areka, Waipa, Waikato. Na Hoani Takerei, Na Hamiora Te Kuri. "Whatiwhatihoe, Alexandra, Oketopa 1, 1883.

Ki a Te Korimako. E hoa, —Tena koe! E hoa, mau e tuku te mihi mo te rangatira o Whanganui i mate nei ki Putiki, wahi o Whanganui me Poroporo aki noa atu e au i konei. Haere atu ra, e koro, i te ara o arama raua ko iwi o nga tangata tuatahi. No raua te hara he haere noa a muri mai. Haere, e koro, haere i te ara o tenei mea ote rangatira. Haere koutou ko Ihakara ma e pai ana to koutou haerenga kua mutu nga raruraru i mahia e koutou mo nga iwi o te motu nei heoi haere marama atu ana koutou waiho. Pai iho nga uri nei kotahi tonu te pouri tanga ake e kore e mau i a matou i nga uri nei a koutou mahi kati pea me waiho i ta koutou kupu e ki nei kia mau ki te aroha, kite pono, kite rangimarie. Kati iho i konei nga mihi mou. Heoi, e hoa, kei whiua e koe taku mihi hei titiro ma aku whanaunga i nga wahi o te motu nei. Na Te Roore Rangiheuea. Whatiwhatihoe, Oketopa 1, ISS3.