Na Wahanui: He Kimi.

Korimako, Issue 19, 15 September 1883, Page 5

Na Wahanui: He Kimi.

Ki a Te Korimako. E pa,—E hiahia ana matou kia whai kupu atu mo runga i te "Pire Whakatika i nga Ture Whenua Maori" mete "Pire Komiti Maori" a te Paraihe, kia maramatia ai o matou whakaaro mo runga i aua Pire ! E whakapai ana ano matou ki etahi wahi o te "Pire Whakatika i nga Ture Whenua Maori" ta matou e whakapaiana ko te arainga atu i nga roia ratou ko era atu tangata kia kaua e uru ki roto kite whakahaerenga o matou take whenua, tetahi, ko te whakaharanga o nga tangata e tahuri ana kite hoko, kite reti whenua ki etahi o matou i te mea kaore ano i oti te whakahaerenga take whenua. A, he mea ake tenei, he mea hoki i meatia tenei Pire hei whakarite mo ta matou pitihana. I tino whai matou kia kite iho i te whakaurunga o etahi kupu ki roto hei whakamana i ta matou

whakahaerenga rohe i tukua atu nei i roto i ta matou pitihana. Nate mea, ko tenei te mea e tino hiahia ana matou kia tino whakamana i naianei. Ko te wahi whakamutunga o taua Pire kaore e marama, ki ta matou titiro kanui te raruraru. Ko te "Pire Komiti Maori" e rere rawaho ana tera i ta matou pitihana, nate mea e ki ana te pitihana kia matou ano te ritenga mo a matou whakahaere hei muri rano i te otinga o nga take whenua katahi a te Kawanatanga ka tonoa atu kia tukua mai etahi tangata whaimana hei aki mo a matou whakaritenga a ki reira rano. Tetehi e tango rawa ana i to matou mana —ko ta matou kupu tenei e papatupu tonu ana enei whenua waihoki me nga tangata. No konei matou i mea ai kia n::.tou ano te ritenga o matou whenua kia whakakorea rawatia atu ano hoki nga Kooti Whenua. Na Wahanui. [E kind tahi ana; me kimi ki hea 1]

Ki a Te Korimako. E manu tukua atu taku karere i runga i te komuri-aroha ki nga iwi o te motu. No te aliiahi i te 30 o nga ra o Hune ka wehe atu i waenganui i a matou he hoa i aroha nuitia a Kiripeti Waka (Rangimawhiti) lie tino rangatira tenei kotiro no roto i tona iwi i a Tuhourangi. Kua riro atu nei ia i tenei ao i te 16 o nga tau. I te 7 o Hune ka puta a matou kupu pouri mo tona tinana i te wa kua tukua iho ki roto i te poka. I huihui mai ano nga tamariki o te kura Ratapu me o ratou hoa, mete Kaiwhakaako Ida kite i te nehunga, me a ratou kopare putiputi he mea whiu ki roto, ki waho o te poka. Te nui o te pouri o matou ngakau mo te wehenga atu o to matou hoa. He ao kapua i rere mai ma runga ia matou ko i ano Ida matou ngau ana te pouri mete makariri, otira i roto i taua kapua ka kite matou he tuwhera-

tanga e whiti iho ana te maramatanga o te ra, ano te mahana ona hihi kanapa, tau ana te maramatanga mete hari ki o matou ngakau. Ko Riripeti, he kotiro no roto i te whanau a te Karaiti, ko ia tonu hoki tetahi o nga kaiwhakaako o te kura Ratapu, ko ia i ki ai o matou ngakau i te pouri. Me patai au, ko wai hei tango i tona turanga liai whakaako i nga tamariki nonohi kite huarahi kite rangi ? Me titiro noa matou kite hokinga mai o to ona wairua i haere atu nei i runga i nga maunga o Tarawera. Kei ko atu o nga kapua me nga whetu ko te rangi ko te kainga. oranga mutunga kore. Ko matou e pouri ana mo te ngaronga atu o tenei kotiro. Otira i roto i o matou roimata e rere ana ka aahu o matou mata kite rangi, a i roto i nga kapua ka kite matou i te maramatanga o te kikorangi, a kei tahaki atu o taua kikorangi ko te rangi kei reira nei a Ihu Karaiti me Kihi e noho ana i te kainga kore mate kai, i te kainga kore mamae mete kainga kore hara. Mehemea kite rongo tatou i tona reo e korero iho ana kia tatou. Ko ia enei nga kupu e rongo ai tatou. "Ko toku-whaea me oku hoa e pouri ana e tangi aurere ana ratou moku. Otira e whae, whakamutua te wai-kamo i ou mata, aua hoki e nga hoa e tangi aurere moku. Tenei toku wairua kai te rangimarie, me oku roimata kua kahore atu i oku mata. Kahore tenei kainga e kite i te pouri, he marama tonu. Mehemea e aroha ano koutou ki ahau whakarerea atu nga hara, engari whakatitotara, whakatapua te ra Hapati inoi atu kia Ihu Karaiti. Ka riri hoki te Atua Nui kia koutou mehemea kite tohe tonu koutou kite hara." Tenei au ta koutou tamaiti te karanga atu nei. " Kia whakawhirinaki kite porio, kia rite kite ngarara, e piri nei kite tuanui o te whare, he nui hoki te aroha mete tumanako o te Atua kia koutou ana

tae Id te ra o to koutou whakaoranga." E kore au e koki atu kia koutou. E oku hoa engari ko koutou. E haere mai ki ahau. Na Peaparata, jSTa Eaureti Kahukore, i whakamaori. Roto Tarawera, Te Wairoa, Rotorua, Hepetema, ISB3. [Horerawa he kupu a te tupapaku ake i roto i tenei korero. Ai ake te korero, na te kai-tuiiituhi anake.]