Te Kokiritanga o Tawera.

Korimako, Issue 9, 13 November 1882, Page 6

Te Kokiritanga o Tawera.

I te taenga mai o te tima, te Atareria i te 15 o nga ra o Oketopa, ka riro mai etahi rangatira Pakeha ki Niu Tireni nei, he tohunga ruanuku he titiro, hei whakaaro i nga tikanga i te ahua, i nga maero, i nga aha, i nga aha, i te mea ka kokiri a Tawera ki waenga o te ra o te ao e nohoia nei e tatou. Kei te wa e whakapahure ai a Tawera i te ra e tu iho nei, ka aim katoa nga koata o nga ruanuku, kia hipa rawa taua whetu, ka riro mai ki aua pu-tohunga Pakeha, nga tini mohiotanga e kimihia tonutia nei i te tau, i te tau. I te wa, e rere ai a Tawera, ko te ao nei ki tetahi taha ona,ko te ra e tu nei, ki tetahi taha ona. Ko taua haere i tukuamai neieteKawanatanga o Amerika, he ata hahau, he ata whakaaro i nga tini mea e kitea, a te wahi e rere pera ai a Tawera. Ko etahi whakaaturanga nui hoki kei taua kokiritanga whaka-te-taha o te ra, a, kei te wahi e taurite ai raua, a Tawera raua ko te ra, ko reira ka houa tonutia e aua Ruanuku i runga i ana hanga tohunga, nga mea e marama ai nga mano kite peheatanga, te raununuitanga, te hohonutanga, te alia, te aha, o enei hanga e awhiohaere nei i te rangi, i runga i te kapu o te ringa o te Runga

Rawa. I runga ite mahinga o enei tohungatanga, katahi pea ka tino kitea, ka tino mohiotia nga maero o te takiwa, ka timata i te ao e nohoia nei e tatou, a, pa 110 a kite komaru e whiti nei i te rangi, e ara mai nei i te ata, e torengi atu nei i te ahiahi. Ko te kokiritanga o Tawera (Venus) i waengaralii o te ao, o te ra, i whaia mai nei e nga Whakatuatea Pakeha, kei te ono o nga ra o Tihema. Ko tera kokiritanga o Tawera, penei me tenei e whaia nei e nga Tohunga-Pakeha, no te tau 1874. A i muri mai o tenei rerenga whaka-waenga -te-ao-me-te-ra, kia kotalii rau, kja rua te kau tau, katahi ra ano a Tawera ka rere penei, i taua hokinga mai ona. Ko tenei haere i kamakama ai, he matenui' kia we te timata nga mahi hirahira noa atu, kia tae rawa atu ki taua mahi whakahipahipa i te ao, i te ra i te whanatutanga o Tawera i nga marama erua i muri iho nei, —kia tae rawa atu ki reira kua takiotioti nga tini mahi o nga Tauanui nei. Ko aua mahinga ka meatia kite tihi o tetahi o nga maunga o Akarana e aro atu ana kite rawhiti. I roto i taua haere tokorua tohunga titiro whetu; tokorua nga kai-wliaka-ahua whetu. A, i runga ite matauranga nui o te tangata, e wiiakaarohia ana, tera e tino kitea e nga kai rapurapu i enei tikanga,—e nga kai titiro-whaka-tau ki nga whetu, akuanei te whiwhi ai ki nga mohiotanga ki ta takiwa o Tawera raua ko Rereahialii, mete takiwa o te Ra.