KOTAHI PUTANGA I ROTO I TE RUA WIKI.

Jubilee : Te Tiupiri, Volume 1, Issue 43, 17 November 1898, Page 1

KOTAHI PUTANGA I ROTO I TE RUA WIKI.

KUA mohio tatou nga Iwi Maori; kua ahua iti iho te awangawangatanga, mete maharaharatanga hoki o te ngakau, i te nekehanga o te Pire a te Pirimia e karangatia nei, -'he Pire Poari whakahaere i nga whenua maori"; ara, ko taua Pire kua whakanekehia mo te ra tuwheratanga o te Whare Paremata. E hara i te mea he tino tatu rawatanga no te wairua mete tinana kite okioki ; kao: engari e takoto ana te takiwa, atu i tenei rangi tae noa kite ra e kokiritia ai anp ta.ua ; Pire; kaati, ko te takiwa nei, whiriwhiringa ma nga iwi i o ratou whakaaro ki nga. tikanga o nga hua i roto i taua pire, Koia te Tiupiri i hamumu

ake ai e wha tonu nga tino .putake i kite ake ai hei whiriwhiri ma nga iwi o te motu; tane wahine, rangatira, tangata matau, wahine matau, Tuatahi—Ko te Pire .a te Kotahitanga " Tono mana"; u Tuarua—Ko te Pire a Kingi Mahuta "; Tuatoru—Ko te_ Pire a te Pirimia; Tuawha —Ko te whakatikatika i te Pire. Na e wha enei take kei te takoto i mua;i nga aroaro ; me he nei take he tangata katoa kei runga e awhina ana, te mea tika me whakakotahi he take i roto .i enei take. e wha, kia marama ai te titiro a nga iwi o te motu ; kaati, me penei iho te whakaaro ko enei take e wha. me mau katoa kite Tiriti o Waitangi, i te mea nei hoki kua whakaaetia he ra ma Nga Puhi hei karangatanga mo nga iwi ote motu. Ka tino mohiotia i konei, ka *mutu tonu nga take hei whiriwhiringa a taua ra; otira ko te tino putake e takoto mai ana i muri o -enei take ko te Ohaki a nga tangata kua mate, Te Tiriti o Waitangi, mete Ture Nui o Niu Tireni 1852; koia nei nga tino putake i aranga ai to tatou Kotahitanga, i runga i te rironga mai 0 te taonga a Ngapuhi i nga rangitira 0 Aotearoa mete Waipounamu, koia i Hiiritia ai te ingoa " He Kotahitanga mo te-Iwi ; Maori." Na runga tonu i te Pire whakahaere Poari, katahi ka wahi, te tahi taha kite whakatikatika, ka turaki te tahi taha; kitea ake i te tautoko ara te tahawhakatikatika e toru mano pea nga tangata, i te taha turaki te kau mano nga tangata. Ahakoa ra i puta eriei tautohetohe .i waenganui ia tatou, me hoki ano tatou .ki to tatou aroha, ina hoki he morehu tatou: waiho tanga ake ; me a ratou kupu kei te Iri ki runga ia tatou ara " Aroha te tahi kite tahi," ka tupu

ano tatou hei tangata. Tenei ake nga kupu ruarua nei, e ahei ana hei awhina ia tatou. TuatlEi o nga take—Ko te manawanui; ara, kia kaha te here i nga toenga whenua kaua hei hokona kite kawanatanga me nga pakeha noa. Me whakamutu te Kooti i nga whenua papatupu. Ko tenei he tino putake hei tauwhainga ma tatou mo enei ra, hei tarapae ki mua o nga aroaro hei arai patu. Notemea ko enei ra he ra no te whakamatautauranga i nga iwi, mehemea hoki i pono te tutaki a te Pirimia i nga hoko kia whakamutua, me nga kooti, penei kiia kore he taimahatanga ki runga kite tangata. Tuarua onga take —Ko te aroha, o nga rangatira me nga tangata matau ki nga iwi e aue nei; ara, " kia rite hoki nga kai tohutohu ki nga ra ia Mohi, e aue ana e tangi ana nga tamariki a Iharaia kia Mohi, e whakaritea ana eia a ratou tangi." Waihoki i roto i tenei ra ko Mohi me nga poropiti kua ngaro atu, e ora ana i muri ko nga kai tohutohu, ma ratou e ata whiriwhiri nga kupu a o ratou iwi me o ratou morehu whenua i runga.i te aroha ki o tatou tinana, he tangata ma'ori; he whenua maori. Manawa rawa te aroha nei, he wahine rawa na ana i whakauea te riri, i kiia ai he toa to nga tane, ara, na Niniwa-ite-rangi, na 1 e Raraku-ote-rangi, ka kitea i konei he riri ano ta te waahine, he whakatauki noa iho nei, " Hau wahine e hoki i nga hau o Tawhaki." Kua kitea i roto i nga ripoata mai, na nga wahine nei, ka tuturu te noho a te Komiti, Heaha hoki koa e aku wahine rangatira, he wahine korua, he wahine hoki ta korua Tiupiri, mate korua e mate ana mo o korua iwi maori, me o ratou morehu whenua. Kua mate nga mea tane hei kai ma te patu. Ahe wahine ma ana akuanei te riri whakamutanga. E koa ana hoki to korua tuakana a te Tiupiri ka puta o tatou rongo toa, rongo atawhai ki nga wahi e rerengia ana e te Tiupiri.