Te Pakanga Nui

Industrial Unionist, Volume 1, Issue 8, 1 September 1913, Page 1

Te Pakanga Nui

E pai ana te pane kuini hei tuku

E hoa ma, — He kupu whakaatu tenei ki a

koutou, ara, ki nga kaimahi Maori, kia mohio ai koutou kite take e whakahaerengia nei e nga kaimahi o te ao. E mea ana aua kaimahi kia liangaia tetahi iuniana nui mo nga kaimahi katoa ote ao. Kei te nuinga o nga whenua o te ao nei tetahi waahi o taua iuniana nei e tu ana. Kei Akarana nei tetahi waahi e whakaliaere ana i to ratou take, e kauwhau nei hoki i te rongo pai liou, ara, te whakahokinga i te ao me nga mea katoa i runga kia tatou nei, ki nga kaimahi. Te ingoa o taua iuniana ko te I.W.W. (Te luniana o nga Kaimahi o te Ao). Te whakapakehatanga, Industrial Workers of the World.

E kii ana taua iuniana kua tino whakataurekarekatia te nuinga o nga kaimalii o te ao, ko te take, kua riro i nga rangatira ruarua, te whenua me nga mahinga kai katoa. Kua momona nga rangatira, kua rawakore nga kaimalii. Na reira e mea nei, kotahi tonu te huarahi liei haerenga mo nga kaimalii kia pai ai to ratou turanga. Ki te uru nga kaimalii katoa kite iuniana kotahi, aa, ka whawhai talii mete mea kotahi tonu/kaore e kore te riro i nga kaimalii ta ratou i pai ai. Mehe kei te wehewehe tatou ka hinga; mehe kei te huiliui ka hinga ke te rangatira. Ma te whakakotahitanga a ta tatou haere e whakaatu ai to tatou kaha. Kua huihui nga rangatira kia kalia ai ratou i te pakanga kia tatou. Me pera hoki tatou ko nga mokai. E kii ana nga rangatira pakelia he kaimahi pai te Maori. He korero whakapati tena. E moliio ana ratou, kite mahi koutou ki taua iwi whaimoni, ka riro ia ratou te nuinga o nga hua a ta koutou mahi. Na reira e kii ana he kaimalii pai koutou.

I te wa o te taraika o nga maina i Waihi ra ka haere etahi o nga Maori ki reira whawhai ai kite taha o to tatou hoariri, ara, te iwi rangatira. Kaore pea aua Maori i ata mohio e tino hee ana ta ratou haere ki reira mahi ai. Koinei te take i hee ai: e kii ana te 1.W.W., e rua tonu nga iwi i te ao katoa, ko te iwi rangatira tetahi, ko te iwi mokai tetahi, ara, tatou nei. Kei te whawhai tonu te iwi rangatira ki a tatou kia puritia tonutia e ratou nga whenua me nga mahinga oranga katoa i tahaetia ra e ratou ia tatou. E mea ana tatou kia whakahokia aua mea kia tatou ano. Heoi, kia mahara koutou mo muri atu nei, kaua e whawhai kia koutou ano, ara, kia tatou ano; he kaimahi katoa tatou. Kota hi tonu to tatou iwi.

Na te Komiti o te pepa nei