He Kupu Whakatupato Ki te Iwi Maori

Industrial Unionist, Volume 1, Issue 7, 1 August 1913, Page 4

He Kupu Whakatupato Ki te Iwi Maori

(A word of warning to the Maori Race)

E hoa ma, — He kupu whakatupato tenei ki a koutou kite iwi Maori. E mohio ana hoki koutou e tore ana te lieke o te iwi Maori, lie maha nga take, otira, kotahi tonu te t-ino putake, ara, te rironga « o koutou whenua i nga rangatira pakeha. Tuarua, ko nga hua ate mahi. Tuatoru, ko o koutou tinana tonu hei taurekareka ma te hunga whaitaonga, ara, ma te hunga nan a nei o koutou whenua i tahae. Kaore e kore to koutou rawakoretanga, i te mea, kaore e roa kua kokona katoatia nga whenua Maori. Ko te nuinga o nga Maori kua pcratia inaianei, kua tahuri hoki kite mahi ki te pakeha hei oranga, Ehara i te mea, he aroha no te pakeha ki a koutou e wlrivhi ai koutou i taua mahi. Kaore noa iho. Penei te ahua o taua aroha. Ka mahi koe ki to rangatira mo nga haora e warn. Me kii ko te waariu o taua mahi e rua pauna; tekau hereni e hoatu ki a koe hei utu mo taua mahi; ko te toenga, kotahi pauna tekau hereni, ka puritia e to rangatira mana. Kei pohehe koe e tika ana tenei ahuatanga. Kaore e tika kia riro i te hunga mangere nga hua a to mahi. Kaore hoki i tika i te mea kua whakatuturutia. He maha nga mea kua whakatuturutia e hee ana. Ko te tahae i nga hua ato werawera, mete whakataurekareka i a koe etalii. He whakarihariha te mahi a nga rangatira ki nga iwi rawakore. Kei te kino haere te turanga o nga kaimahi; kei te piki tonu te utu o nga mea e pirangi ai tatou. Ko te utu ma nga kaimahi kei te ahua heke. Kei te momona haere nga rangatira, ko nga mokai kei te pohara haere. Kei te whawhai tonu nga rangatira ki nga kaimahi i nga whenua katoa o te ao i tenei ra. Na reira e tino inoi ana te iuniana nei, te I.W.W. (luniana o nga Kaimahi o te Ao) kia koutou kia uru mai ki a matou whawhai ai i nga rangatira, kia kaua hoki e mutu, a a taea noatia te rironga o te ao, me nga mea katoa i runga, i a tatou, ko nga kaimahi. He ruarua nga rangatira, he tokomaha nga kaimahi. Engari, kei te ruarua te kaha, ite mea kei te wehewehe nga mokai. Ki te uru tatou katoa ko nga mokai kite taua nui, kia kotahi tonu, kaore e kore nga rangatira te hinga i a tatou. “Ma te tika e mohiotia ai te hee” e ai ta te whakatauki. Heoi kia mohio koutou “ KO TE KAHA TE TIKA.”

I a koutou e whawhai ana kite pakeha i mua, ka haere etahi o nga hapu hei awhina ma to koutou hoariri. I kiia ratou he “ Maori Roira” (loyal Maoris) e te hoariri.

Ko te hunga whaitaonga to tatou hoariri. Na konei me whawhai tatou ko nga kaimahi ki to tatou taha ano. Mehe taraika kaua koutou e mahi i te waahi e taraika ana to tatou iwi kei hinga tatou. Kaua e whakarongo ki nga korero patipati a to hoariri, me nga korero teka i nga nupepa; engari me whakarongo ki nga korero e paa ana ki to koutou taha ano; me korero i nga nupepa a nga kaimahi. Kaua e whakawhirinakitia, whakaponohia ranei, nga mema o te Paremata kei tinihangatia koutou. Ki te riro i te pakeha to koutou whenua, kua riro rawa. Ko o koutou tinana anake e toe hei hoko ma koutou kite rangatira, mete mea nei he hohio, he kuri ranei koutou. Tena, whakatika ! Tiakina to koutou iwi, aa, ma te iuniana nei (1.W.W.) koutou e awhina. Na te Komiti o te pepa nei.