KO TE KAI-WHAKAMATAARA O NGA IWI ERUA.

Anglo-Maori Warder, Volume 1, Issue 6, 30 May 1848, Page 4

KO TE KAI-WHAKAMATAARA O NGA IWI ERUA.

"Na te Tika i toa ai." Turei, Mei 30, 1848.

Kahore pea i a korua i te tangata maori tenei tikanga, te whakamahara ki nga ra whanautanga o nge o korua tangata nutiui rangatira ranei ; kei te Pakeha ia tenei tikanga. No te Wenerei o te wiki kua mahue i whakamaharatia ai te huringa tau o to tatou rangatira o te Kuini. He tikanga tenei na te pakeha nonamata, a waihoa tonutia iho nei hei whakamaharatanga ma nga uri. E maharalia ana ano nga riri nunui onamata, nga aha, nga aha, waihoki he rangi hakari, he rangi tukunga kai a te Pakeha kotahi nei, kia mahara ia ki tona whauautanga, ki ta tana tamaiti, ki tona marenatanga ranei. I nga ra nui nei, ekore te tangata e whakaaro kite mahi, erangi e waiho ana hei rangi haringa mana. Ma to tangata, nona te ra whanautanga, e taka lie hakari ma ona hoa, ma ona whanaunga, kia haere mai, kia kai tahi, kia koakoa. Me he mea he tino rangatira nui ia, pera mete Kuini, ekore e tukua ki nga tangata o tona kainga ake anake, otira ki ona pononga, ki ana tamariki, ki nga tangata katoa 0 tona iwi. Na, no te mea he rangatira a te Kuini, kotahi te kainga e nohoia ana e te Kuini, ko Ingarani; otiia kei nga wahi katoa ote whenua ona kai whakariterite i ana tikanga, ko ratou hei whakamahara i tonara whanautanga i konei, i era atu wahi anohoki. Koia i waiho ai ko te rna tekau ma wha o Mei hei ra koakoa mo matou mo koutou anohoki. Na reira koutou i unga ai e te Kawana ki te kai, kia rite ai koutou ki nga pakeha. Ko te mea i tuhituhia ai enei mea e inatou, kia mohio ai koutou ki enei tikanga a te pakeha, kia rongo hoki nga tangata o te tuauiienua ki nga inea i ineatia i taua rangi. Ko te rua tekau ma wha o nga ra o Mei te ra huriangatanga ote Kuini. He ahakoa ra kahore ate Kvmi i konei ko ona tangata ia, ara ko te Kawana, ko nge 011 a hoia ko tini noa atu. Ko te Kawana ki konei e rite ana kite Kuini i Ihgarani, waihoki ko tenei ra e maharatia aria e nga tangata katoa o te iwi Int^arihi, Ka whakamaharatia te ra nei ka tukua e te Kmcana ana pukapuka ki nga Pakeha ki nga Maori i pai ai ia kia hui mai kite whakakitekite, kite tutu-waewae, kite kai, kite aha noa atu. Nui atu te whakakitekite ate hoia, haere atu ana ko te kai whakatangi taramu, porutu kowau, aha noa atu, kua rangona i mua tioraora ana kite taringa mete tangi i nga taramu mete haere tahi hoki o nga hoia ki roto kite paraki ite taha ote moana, t reira e tu kapa ana. Wehea ketia nga tangata hei mahi i nga purepo, whakahauhaungia e te rangatira, tangi ana ko te pu repo tuatahi, tuarua, tuatoru, tuawha, me nga pu maori hoki te tini* Ka mutu te pupuhi o nga pu repo o uta, katahi ka puhia nga pu a te Kuraeapi, muri mai ko nge ate hoia ana pu. Katahi ka whakatangihia nga taramu, nga teiere, nga porutu, ko te waiata whakamoeiniti a nga pakeha ki to ratou Kuini, nui atu te raweke. Na, ka whakahokia nga hoia kite tu mangere, matakitakiria ana e o ratou Apiha, e to ratou rangatua nui, kaumatua hoki. Ka mutu ka whakahokia atu ki a ratou whare. Muri iho ka whakatakotoria te hakari a te Kaiuana ma te tangata maori, e rua rau topu te tangata e kai ana i te piwfri i te rohi i te <' paramu purini, ite pia. Heoi ki ana te kopu ora ana tamaroto, kihai i pera me tera tuku a. te Kuwana i muri i paopaongia e te tangata maori Ka po ka huihui nga pakeha kite whare o te Kawana kite hakari, kite kanikani, kite whakarongo kite tangi a nga porutu a ngA tetere.