Rangitikei 3 Hune 1849 Ki a Makarini, Kawana Kori [Kerei?] hoki E hoa, Tena ra koe. He nui toku aroha ki a koe. E mea ana au kia haere mai koe kia korero taua, no te mea kua huri nga tangata o Rangitikei i tau tukunga i nga utu o Wanganui, no konei ka korero ratou ki au i te tikanga o to ratou kainga; e whakatekau[?] o nga tangata ki to ratou huihuinga mai ki au, no konei au ka mea me haere mai taua ki konei korero ai. E hoa, ki te mea ka tae mai koe, ka roherohea te kainga aianei ano, korua ko Hori Te Anaua, ko Aperahama,Wangaehu, kia rongo hoki raua i toku korero, no te mea kua rongo koe ki taku korero i tou haerenga mai i Poneke. E tohe ana te ao ki au, no konei au ka whakaaro ko Rangitikei mo muri iho o Wanganui, aianei ano i roto ano i tenei tau kotahi. E hoa, heoti ano. Na tou hoa aroha, naku Kawana Paeroa Rangitikei 3 June 1849 To McLean [on line above] Governor Grey[?] also Friend, Greetings to you. I have great affection for you. I suggest that you come here so we two can talk, because the people of Rangitikei are wondering about your giving over the payments for Wanganui. As a result they talked to me about the matter of their land; some ten[?] people were at their meeting with me, hence I say that you should come here for us to talk. Friend, if you come the land boundaries can be set at once, and [come with] Hori Te Anaua and Aperahama of Wangaehu then they can hear what I say, which you heard when you came here from Port Nicholson. The world is fighting me, and so I think Rangitikei should come after Wanganui, and soon in this very year. Friend, that's all. From your good friend, from me, Kawana Paeroa