mana. E kore e marere ma te nuinga mehemea i puta iho tau kupu ki nga tangata o raro, ko te homai utu koe ki nga tangata o konei. Ka tika kia homai e koe nga utu o Timaru, me waiho atu ano i reira. Ko nga mea o matou kei a koe ano takoto ai nga moni mo matou, ko nga ingoa kau o nga tangata tau e tuhituhi; ka mau atu te tono te tangata i a koe kia homai, kaua e homai. Mehemea ka homai e koe ko Timaru me homai hoki e koe nga utu o Herekawe, Omata. Engari pea, e Te Makarini, me haere ano koe ki raro homai ai i nga utu ki a matou, kei pouri o ratou ngakau a ka whawhai koutou ko hou tangata. Mehemea e pai ana koe kia haere atu au kia korero ki a koe i tetehi kupu, e pai ana. Na Wiremu Tamati, ki toku hoa pai ki a Te Makarini Ko ahau ko te tamaiti a Te Ngahuru raua ko Parenga. Kei a matou ko hoku matua ko Hori Tamati, ko Hemi, ko Ngaparu, ko Mohi, ko Erekana, ko Haura, ko matou katoa e noho nei i Te Aro nei, kei a matou te tikanga ki Omata. Kahore he tikanga i nga tangata o Pipitea mo tena whenua.