Manawatu 3 Pepueri 1851 E hoa, e Te Makarini, Tena koe, otira korua tahi ko to hoa, otira koutou tahi ko Kawana me tona hoa, tena koutou. E hoa, i tatari atu matou i nga wiki ka pahemo ake nei, ki tetahi utu mai mo ta matou pukapuka. No te korenga he utu mai, katahi matou ka korero kia haere atu matou ki [ko]na kia kite atu hoki i a te Kawana. Engari kahore i mohiotia he taima mo te haerenga atu, he mahara no matou kei te nui pea to korua raruraru, no konei matou i mahara ai kia tuhituhia te pukapuka na kia kite korua. Ma korua te painga mai kia haere atu matou, ma korua e tuhituhi mai te wa i pai ai korua hei wa haerenga atu. Ki te kore korua e pai kia haere atu matou ki kona, ma korua e tuhituhi mai, kia rua aua mea, me tuhi anake a mai. Engari, e tama, ko to matou hiahia kia haere atu kia kite atu i Kawana, he tangata hoki e hoki ana ki tona kainga, no konei to matou kaha na kia kite. Heoti ano. Na o hoa aroha, na Ropata Te Wairiki, Hirawanu Kaimokopuna, na Hetariki, na Te Wirihana Manawatu 3 February 1851 Friend, McLean, Greetings to you, that is, to you and your wife, and to you and the Governor and his wife; greetings to you all. Friend, we waited over the past weeks for some answer from you to our letter. And when there was no reply then we said we should go off there to see the Governor. However, we didn't know what time to go for we thought that perhaps you and he were greatly occupied, and so we thought to write a letter for you both to read. It is for you two to agree to our coming to you, and to write to us with a time for us to come to suit you. If you don't want us to come, write to us, for either of those, write to us. However, young man, it is our wish to go and see the Governor, and he's a man who will return to his home, and that is why we are keen to see him. That's all. From your good friends, from Ropata Te Wairiki, Hirawanu Kaimokopuna, Hetariki, Te Wirihana