Waokena 19 Hepetema 1846 Haere ra, e taku pukapuka, ki a Te Makarini. E hoa, Tena ra koe. Ka nui toku aroha atu ki a koe. E hoa, kia rongo mai koe ki taku kupu. E nui ana toku aroha ki taku tamaiti, kahore ahau i kite i te haerenga atu. Koia ahau ka mea ai kia whakahokia mai e koe taku tamaiti. Ki te kore koe e pai, kia pai te atawhai i a ia, kei raruraru ia ki nga mea kino o tenei ao. Kia pai tau atawhai i a ia. Heoi ano taku kupu ki a koe. Na Te Hana