Ki Poneke Ki a Kawana Hea E ta, Me whakaae koe ki tenei taha o taku kainga, kia utua e koe. Ki te mea ka utua e koe tenei taha, heoi ano kua riro katoa i a koe a Wairarapa. E ta, whakaaetia mai tenei taha, ki te mea ka hohoro to utu i tenei taha o Wairarapa, heoi ano ka hari ahau me nga tangata katoa hoki. E ta, kei whakarongo koe ki nga pukapuka a etahi tangata o Wairarapa e tae atu ana ki a koe. Kei whakarongo koe ki te kupu whakakahore, erangi me whakarongo koe ki te kupu whakaae. E hoa, e te Kawana, kua hiahia nga tangata o Te Kauru o Wairarapa kia whawhai ki te Maori ranei