(Copy) Urenui Hune 15th /58 E hoa mai, e nga Pakeha tenei toku kupu ki a koutou, e kore e mutu te aroha ki a koutou, e taea hoki koa te aha, i te kore he mana o ta matou nei Kupu, i mua, ara, mai mana i a Kawana, ta matou tikanga utu whenua o te Ikamoana (penei) kanei kua tika, ehore e mate te tangata, na, purutiana, e te Komiti o te Kawanatanga, no konei karioa, o tira e kore au e wareware ki a matou kupu aroha ki te Kawanatanga, aha koa, ma hue atu i a matou, ekore e mutu te aroha, no reira matou i mea ai, kei karanga atu ano hoki matou, ki a Kawana ekore hoke ia e pai mai, ki ta matou kupu, no reira i purutia ai o matou wakaaro, kei nui haere hoki, to matou wakamano te mea kua kupu matou i mua kia Kawana, Kahore i mana mai ia Kawana a matou kupu, otira ma Kawana te wakaaro mai ki te tahi kupu ki a matou, Hei reira matou wakaaro ai kitona kupu, otira kei mea mai nga Pakeha, kua waiho atu e matou to matou whenua, kia Wiremu Kingi, Kahone, Kahore, kei a matou ano, kei te he ia, kei a matou ano, a a kei mea a Wiremu Kingi kei a ia te papa, E hoa ma, e nga Pakeha ki a rongo mai koutou i ma hue ai a te to matou pa, he mea kia mana ai te kupu a Parete i mea ai ki a wakarerea a te koraka e matou, no reira wakaritea ai e matou, a, kuarite. Tenei hoki te kupu, kei mea mai nga pakeha, kua ngenge o matou wakaaro, kaore he aroha ki te Kawana Kaore, hanui tomatou aroha ki te Kawanatanga, ekore e mutu i a matou te aroha, taihoa koutou e kite i to matou aroha ki a koutou tai hoa, ki a mutu te komiti, Anga rangatira o Waikato o Ngatimaniapoto, no reira i puruiti a ai o matou wakaaro, otira, ki te mea karoa, ta matou komiti, katata mai, ko ta Kawana kupu, a ki a hohoro mai, ki a wawe te rite tena kupu, ki a rongo mai koutou, kei to matou pa, Kei he pa--- Na Ihaia Na Wi te Ahoaho Na Nikorima Pirika Rameka Pai rama Pita Timoti Henei Hori Taro