Waitoki 9 Hune 1851 E hoa, e Te Makarini, Tena ra ko koe. Ka nui toku whakaaro ki a koe. Tena koe. E hoa, kia rongo mai koe, he nui toku raruraru ki Taranaki mo nga kau a Te Kati, kua hereherea i nga Maori o Kaihihi. Ka nui te raruraru, he nui taku mahi. Tenei ano te tikanga o te raruraru. Ko nga kau a Te Kati, koia tenei ko taku mahi whakariterite. Heoi ano. E hoa, he aha koe te whakahoki mai ai i taku pukapuka? Kia mohio ai au, engari mau e tuhi mai ki au tetahi tikanga. Ka nui enei marama ka pahemo ake nei, kahore ano tetahi pukapuka au i tae mai ki au. Koia ka roa ai taku rapunga ki a koe. Tena koe, e hoa, e Makarini, tena koe. Ka nui toku aroha atu ki a koe. Heoi ano taku korero.